У мінулым годзе механізатары з Кухчыц віншаванні прымалі 12 ліпеня, у бягучым годзе рэкорд зафіксаваны на адзін дзень раней.
У гаспадарцы ўбралі 520 га ячменю пры сярэдняй ураджайнасці 73 ц/га, што значна вышэй за сярэднеабласны паказчык. Працуе на палях сем камбайнаў.
Сярод тых, хто выйшаў у лідары, механізатары з вялікім вопытам работы. Для Мікалая Драгуна і Сяргея Янучкі гэта не першае перадавое жніво. У мінулым годзе Сяргей Янучка за гарачую пару намалаціў 3,5 тыс. т.
Малады вадзіцель Аляксей Казак працуе ў Кухчыцах дзясяты год, але ў тысячнікі трапіў упершыню. У гэтым сезоне ў перадавіках і яго калега Віталь Кішко.
