Аб гэтым карэспандэнту "Звязды" паведаміў начальнік упраўлення жыллёвага будаўніцтва Міністэрства архітэктуры і будаўніцтва Беларусі Аляксандр Горваль.
Згодна з зацверджанымі планамі жыллёвай палітыкі міністэрства, у 2011 годзе кошт будаўніцтва жылля для грамадзян, што маюць патрэбу ў паляпшэнні жыллёвых умоў, будзе рэгулявацца дзяржавай і стрымлівацца ў межах змянення індэкса будаўніча-мантажных работ. Сёлета гэты індэкс вызначаны для будаўнічай галіны ў памеры плюс 10—12 працэнтаў.
Дарэчы, летась на працягу года жыллё для чаргавікоў даражэла запланаванымі невялікімі тэмпамі. Паводле вынікаў трэцяга квартала, сярэдні кошт квадратнага метра жылля, што будавалася з дзяржпадтрымкай, складае 1 млн 550 тысяч рублёў. Падстаў для больш істотнага даражэння жыллёвага "квадрата" для чаргавікоў у будаўнічай галіны пакуль няма.
Аляксандр Горваль адзначыў, што спецыялістамі сёння разглядаецца магчымасць зрабіць яшчэ больш даступнымі ўмовы прадастаўлення льготных крэдытаў шматдзетным сем`ям.
Сяргей Куркач
Звязда4 студзеня 2011
