На лаве падсудных апынуліся берасцейцы 2003 і 2004 гадоў нараджэння. Раней у абвінавачаных не было праблем з законам.

Устаноўлена, што прыяцелі набылі ў схованках на тэрыторыі вобласці сінтэтычныя наркотыкі — 60,88 г мефедрона і 177,14 г альфа-PVP. У гаражы па ул.Кар`ернай ў Брэсце хлопцы расфасоўвалі псіхатропы на больш дробныя партыі, якія затым таксама закладвалі ў схованкі. Інфармацыю аб іх месцазнаходжанні наркакур’еры паведамлялі куратару праз інтэрнэт, атрымліваючы плату за кожную закладку.

Суд прызнаў хлопцаў вінаватымі па ч.4 арт.328 (незаконнае з мэтай збыту набыццё, захоўванне і перавозка псіхатропных рэчываў у буйным памеры, учыненыя арганізаванай групай) КК. Кожны з абвінавачаных асуджаны да 10 гадоў пазбаўлення волі з адбываннем у выхаваўчай калоніі.

Прысуд не ўступіў у законную сілу і можа быць абскарджаны і апратэставаны ў апеляцыйным парадку.

Звязда, 5 ліпеня 2021