Праз куратара зламыснікі атрымлівалі буйныя партыі «тавара», расфасоўвалі на дробныя і распаўсюджвалі праз схованкі. Пры сабе ў затрыманых і ў закладках выяўлена больш за 500 г розных наркотыкаў і псіхатропаў (гашыш, метадон, марыхуана, параметылэфедрон).

Апроч таго, паводле інфармацыі беларускіх аператыўнікаў на тэрыторыі Расіі выяўлена і канфіскавана 3 кг псіхатропных рэчываў.

Адзін з затрыманых іншаземец, астатнія — жыхары Мінска і Мінскага раёна ва ўзросце ад 26 да 40 гадоў.

Следчымі ўзбуджаны шэраг крымінальных спраў за незаконны абарот наркотыкаў, у тым ліку ў складзе арганізаванай групы. Максімальнае пакаранне — да 20 гадоў пазбаўлення волі.

Звязда, 29 красавіка 2024