"Мы плануем змяніць правілы прыёму ў педагагічныя ВНУ, каб туды прыйшлі лепшыя абітурыенты - таленавітая моладзь з ліку медалістаў і лаўрэатаў рэспубліканскіх і прызёраў абласных алімпіяд", - сказаў міністр.

Ён адзначыў, што запланаваны цэлы комплекс мер па павышэнню прэстыжу прафесіі педагога, у тым ліку па павышэнню заработнай платы ў гэтай сферы. У 2013 годзе рух да павышэння ўзроўню заработнай платы педагогаў плануецца за кошт аптымізацыі сеткі ўстаноў адукацыі, а таксама развіцця розных форм пазабюджэтнай дзейнасці і бюджэтнай падтрымкі.

У якасці яшчэ аднаго рэзерву падтрымкі сістэмы адукацыі Сяргей Маскевіч назваў дапамогу рэзідэнтаў Парку высокіх тэхналогій. Паводле слоў міністра, яны гатовы ўкладваць сродкі ў падрыхтоўку студэнтаў і школьнікаў, ствараць спецыяльныя класы ў школах, а таксама фонды для падтрымкі выкладчыкаў.

22 снежня 2012, Мінск
БЕЛТА