47 вайскоўцаў органаў пагранічнай службы Беларусі завяршылі на гэтым тыдні навучанне і атрымалі пагоны прапаршчыкаў у Цэнтры падрыхтоўкі спецыялістаў пагранічнага кантролю ў Брэсце.
Як паведамілі ў Дзяржаўным пагранічным камітэце, усе выпускнікі цэнтра ўжо атрымалі прызначэнні і будуць служыць на пасадах кантралёраў і старшых кантралёраў. 90% з іх маюць вышэйшую адукацыю.
Рашэнне аб падрыхтоўцы кантралёраў для аддзяленняў пагранічнага кантролю было прынятае 51 год таму. У 1961 годзе на базе асобнага кантрольна-прапускнога пункта "Брэст" пачала функцыянаваць школа сяржанцкага складу па падрыхтоўцы малодшых кантралёраў.
Вячаслаў Будкевіч,
БелаПАНМінск, 23 чэрвеня 2012
