Плануецца выпусціць яе ў абарот у пачатку 2012 года. Пра гэта паведаміла на прэс-канферэнцыі 20 кастрычніка ў Мінску старшыня Нацыянальнага банка Надзея Ермакова.
Нацыянальны банк ужо замовіў купюру ў 200.000 беларускіх рублёў.
Паводле слоў старшыні Нацбанка, на купюры будзе адлюстраваны адзін з твораў беларускай архітэктуры.
Акрамя таго, Надзея Ермакова адзначыла, што разліковыя білеты наміналам у дзесяць і дваццаць беларускіх рублёў "сябе зжылі".
"Для таго каб надрукаваць гэтыя дзясятачкі, дваццатачкі, расходуюцца вялікія грошы. Мы ўнеслі прапанову ўраду, каб цэны акругляліся ў межах 50 беларускіх рублёў, каб пакінуць толькі гэты разліковы білет", — сказала яна.
БелаПАН20 кастрычніка 2011
