У Беларусі маюць намер будаваць прыватныя дамы, дзе квадратны метр будзе каштаваць $300 у эквіваленце без аддзелкі, паведаміў намеснік прэм`ер-міністра Уладзімір Кухараў.
"Домабудаўнічыя камбінаты ўжо распрацавалі тыпавыя праекты індывідуальных жылых дамоў, якія будуць таннымі - каля $300 за квадратны метр. Мы бачым, што яны будуць карыстацца вялікім попытам", - сказаў Уладзімір Кухараў.
З аблвыканкамамі пачалася ўжо работа для выдзялення зямлі пад будаўніцтва індывідуальнага жылля. Напрыклад, у МАПІДа з`явілася пляцоўка для будаўніцтва ў Шабанах.
Урад разлічвае, што домабудаўнічыя камбінаты ў цэлым будуць больш актыўнымі на рынку жылля.
"Практычна ўсе яны сёння мадэрнізаваны, маюць магчымасць будаваць камфортнае жыллё па найноўшых тэхналогіях. Домабудаўнічыя камбінаты павінны стаць лакаматывам, які забяспечыць рух будаўнічай галіны", - адзначыў віцэ-прэм`ер.
Павялічацца аб`ёмы будаўніцтва для шматдзетных, для іх у 2019 годзе пабудуюць не менш за 10 тыс. кватэр.
31 кастрычніка 2018, Мінск
БЕЛТА
