Праваахоўнікам паступіла паведамленне, што з кватэры чуюцца крыкі, а з вокнаў выкідваюць бутэлькі. На месца быў накіраваны нарад патрульна-паставой службы Цэнтральнага РУУС сталіцы.

Як аказалася, у кватэры знаходзіліся сем чалавек: пяць мужчын і дзве жанчыны. Пасля з`яўлення міліцыі кампанія пачала паводзіць сябе агрэсіўна і правакаваць бойку. Адзін з мужчын паспрабаваў завалодаць табельнай зброяй міліцыянера. Супрацоўнік зрабіў папераджальныя стрэлы ў бок, аднак гэта не спыніла нападніка, і міліцыянер стрэліў мужчыну ў нагу.

Цяпер шэсць грамадзян знаходзяцца ў цэнтры ізаляцыі правапарушальнікаў ГУУС Мінгарвыканкама. Мужчына, які спрабаваў завалодаць зброяй міліцыянера, са скразным раненнем левай галёнкі дастаўлены ў бальніцу.

Дзеянням затрыманых даецца прававая ацэнка. Устаноўлена, што ўсе яны раней неаднаразова прыцягваліся да крымінальнай адказнасці.

Аляксандр Ванковіч, БелаПАН
Мінск, 2 кастрычніка 2018