Па выніках таргоў курс еўра знізіўся на 0,0012 рубля (0,05%) і склаў 2,4488 рубля.

Курс долара ЗША вырас на 0,0032 рубля (0,15%) і склаў 2,0820 рубля.

Курс расійскага вырас на 0,0118 рубля (0,38%) і склаў 3,1507 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША і еўра — 30 і 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. У панядзелак раніцай кошт нафты маркі Brent перавысіў 80,5 долара за бараль упершыню з лістапада 2014 года.

У Расіі сярэдняўзважаны курс долара да рубля разлікамі "заўтра" на адзінай гандлёвай сесіі ММВБ, па якім усталёўваецца афіцыйны курс Цэнтрабанка, на 11.30 знізіўся на 0,0903 рубля і склаў 66,1594 рубля.

Аляксей Арэшка, БелаПАН
Мінск, 24 верасня 2018