Упершыню за сваю гісторыю аэрапорт абслужыў больш за 500 тыс. пасажыраў на працягу аднаго няпоўнага месяца.

Рэкордны паўмільённы пасажыр быў абслужаны на рэйсе В2-927 авіякампаніі "Белавія" па напрамку Мінск-Краснадар. Вылет выконваўся ў 00.40 па мясцовым часе 30 ліпеня.

Прырост пасажырапатоку за няпоўны ліпень гэтага года склаў 7,6 працэнта ў параўнанні з аналагічным перыядам 2017 года. З пачатку года абслужана 2,45 млн пасажыраў, што, паводле даных на 30 ліпеня, больш на 8,5 працэнта ў параўнанні з аналагічным перыядам мінулага года.

30 ліпеня 2018, Мінск
БЕЛТА