Паводле вынікаў таргоў курс еўра знізіўся на 0,0151 рубля (0,72%) да 2,0724 рубля.

Курс долара знізіўся на 0,0077 рубля (0,4%) і склаў 1,9267 рубля.

Курс расійскага рубля (за 100 адзінак) вырас на 0,0252 рубля (0,78%) і склаў 3,2492 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 50%, долара ЗША — 30%, еўра — 20%.

Беларускі рубель рэагуе на дынаміку курсу расійскага рубля, якая шмат у чым залежыць ад цэн на нафту. Нафта даражэе падчас таргоў у пятніцу і завяршае ростам трэці тыдзень запар. Цана красавіцкіх ф`ючарсаў на нафту Brent на лонданскай біржы ICE Futures раніцай павялічылася на 47 цэнтаў (0,82%) да 57,03 долара за бараль.

У Расіі сярэднеўзважаны курс долара да рубля разлікамі "заўтра" на адзінай гандлёвай сесіі ММВБ, на падставе якога ўстанаўліваецца афіцыйны курс Цэнтрабанка, на 11.30 пятніцы знізіўся на 67,21 капейкі, склаўшы 59,3137 рубля.

Аляксей Арэшка, БелаПАН
Мінск, 3 лютага 2017