"Да канца бягучага года ў горадзе плануецца ўстанавіць 20 паштаматаў, з дапамогай якіх карыстальнікі змогуць самастойна атрымліваць паштовыя адпраўленні. Устройствы будуць даступныя для кліентаў кругласутачна. Іх установяць у месцах масавага скопішча людзей: на чыгуначным вакзале, каля станцый метрапалітэна, гіпермаркетаў", - сказала Ірына Саксонава.

Таксама да канца года ў паштовых аддзяленнях сталіцы плануюць абсталяваць 40 устройстваў самаабслугоўвання, якія дадуць магчымасць адпраўляць заказную карэспандэнцыю вагой да 2 кг без удзелу работнікаў аддзяленняў.

Акрамя таго, прадпрыемства актыўна ўкараняе ў вытворчасць электронную чаргу. Так, аўтаматызаваная сістэма кіравання патокамі кліентаў ужо працуе ў 14 паштовых аддзяленнях, да канца года з`явіцца яшчэ ў сямі. А плацежна-даведачныя тэрміналы ўстаноўлены ва ўсіх аддзяленнях паштовай сувязі горада.

Паводле слоў Ірыны Саксонавай, згодна з нарматывамі ў сетцы Мінска не хапае 18 паштовых аддзяленняў. Так, 6 аддзяленняў не хапае ў Фрунзенскім раёне, 5 - у Першамайскім, па 3 - у Заводскім і Маскоўскім, аднаго - у Ленінскім раёне сталіцы.

Усяго ў Мінску працуе 117 аддзяленняў і сем пунктаў паштовай сувязі, 3 спецыялізаваныя пункты прыёму і выдачы паштовых адпраўленняў, 16 груп па аказанні паслуг карпаратыўным кліентам і ўчастак па прыёме і апрацоўцы карпаратыўнай пошты. У аб`ектах паштовай сувязі сталіцы працуюць 2,9 тыс. супрацоўнікаў. За першае паўгоддзе імі апрацавана 125,8 млн паштовых адпраўленняў.

27 ліпеня 2015, Мінск
БЕЛТА