Традыцыйна вясной і восенню Мінпрыроды прапануюць акцыі па навядзенні парадку на зямлі, добраўпарадкаванні і азеляненні населеных пунктаў. У Год міру і стваральнай працы ведамствам аб’яўлена экалагічная кампанія «Мірная стваральная праца на карысць чыстай і зялёнай краіны!». Мерапрыемствы па пасадцы драўняна-хмызняковай расліннасці пройдуць ва ўсіх рэгіёнах Беларусі.

«У ходзе адзінага дня азелянення плануецца высадзіць больш за 60 тыс. саджанцаў драўняна-хмызняковай расліннасці: ліп, клёнаў, дубоў, рабін, Грабаў, соснаў, верб, арэхаў, каштанаў, ясеняў, бэзу, спірэі, туй, фарзіцый і іншых. Сумесна з супрацоўнікамі сістэмы Мінпрыроды на суботнік выйдуць звыш 5 тыс.чалавек — прадстаўнікі прадпрыемстваў і арганізацый, устаноў адукацыі і грамадскасці», — распавялі ў Мінпрыроды.

У вяснова-летні перыяд бягучага года ў населеных пунктах праведзена пасадка больш за 420 тыс.дрэў і кустоў і амаль 19 млн кветак, а таксама больш за 8,5 тыс. саджанцаў на тэрыторыі ўздоўж аўтамабільных дарог.

Пасадка дрэў і кустоў працягваецца восенню. На дадзены момант у населеных пунктах Рэспублікі высаджана больш за 65 тыс. дрэў і кустоў.

«Дзякуючы актыўнаму ўдзелу грамадзян у гарадах і пасёлках, аграгарадках і вёсках Беларусі плошча азелянёных тэрыторый няўхільна расце. Патрабаваны ўзровень азелянення ў 40% дасягнуты ў 129 гарадах і раённых цэнтрах краіны (97,7% ад іх агульнай колькасці). Мінпрыроды запрашае кожнага жыхара і госця Беларусі прыняць актыўны ўдзел у мерапрыемствах адзінага дня азелянення і тым самым унесці сваю лепту ў агульную вялікую справу-захаванне прыроды роднага краю», — адзначылі ў Міністэрстве.

Звязда, 25 кастрычніка 2023