Як паведамляецца на сайце Міністэрства ўнутраных спраў Беларусі, узор жэтона ўстаноўлены загадам МУС ад 29 лістапада 2013 года № 513 на падставе часткі 2 пункта 8 палажэння аб праходжанні службы ў органах унутраных спраў, зацверджанага ўказам прэзідэнта № 133 ад 15 сакавіка 2012 года .
Жэтон — двухэлементны выраб з латуні з нанясеннем рэльефу малюнка метадам чаканкі з наступным гальванічным пакрыццём і паліроўкай. Аснова — эмблема МУС серабрыстага колеру, унізе авальнага шчыта размешчана секцыя з адштампаваным асабістым нумарам. Жэтон мацуецца шрубай да скураной асновы з пятлёй для нашэння на гузіку. Памер металічнай часткі па вялікай восі — 54 мм, па малой — 31 мм. Агульны габарытны памер — 90 і 44 мм адпаведна.
Тым жа загадам зацверджана інструкцыя аб парадку прысваення супрацоўнікам асабістых нумароў, выдачы, уліку і выкарыстання жэтонаў. З гэтага моманту пачалася замена жэтонаў старога ўзору: яны канфіскоўваюцца і далучаюцца да асабістых спраў супрацоўнікаў, аб чым робіцца запіс. Элементы новага ўзору выдаюцца кадравымі падраздзяленнямі міліцыі па ведамасці.
Прызнана, што страціла моц распараджэнне МУС № 113 ад 23 жніўня 2004 года "Аб выдачы ідэнтыфікацыйных карт супрацоўнікам органаў унутраных спраў і ваеннаслужачым унутраных войск Міністэрства ўнутраных спраў Рэспублікі Беларусь".
Вячаслаў Будкевіч,
БелаПАНМінск, 7 снежня 2013
