Пра гэта было заяўлена 19 лютага ў Мінску на чарговым пасяджэнні падкамітэта па пытаннях гандлёвага забеспячэння і арганізацыі харчавання ў межах падрыхтоўкі да сусветнага першынства пад старшынствам міністра гандлю Валянціна Чаканава.
На пасяджэнні разглядаліся пытанні арганізацыі працы валанцёраў і сэрвісных атрадаў у сферы гандлю, грамадскага харчавання падчас правядзення чэмпіянату свету па хакеі.
Больш як 80% валанцёраў — студэнты мінскіх ВНУ, паведамілі ў прэс-службе Міністэрства гандлю. Для добраахвотных памочнікаў запланаваныя шэраг навучальных семінараў. Створаны таксама валанцёрскі рэзерв.
Чаканаў зазначыў, што "па ўзроўні арганізацыі гандлю і грамадскага харчавання госці і ўдзельнікі ЧС-2014 будуць меркаваць у цэлым аб краіне". "Таму мы не маем права падвесці", — падкрэсліў міністр. Ён даручыў да 1 красавіка "разабрацца з праблемнымі пытаннямі, што ўзнікаюць пры фарміраванні сэрвісных атрадаў і ўзаемадзеянні з галоўным упраўленнем спажывецкага рынку Мінгарвыканкама".
Чакаецца, што на наступным пасяджэнні падкамітэта будзе абмяркоўвацца пытанне арганізацыі бытавога абслугоўвання падчас правядзення чэмпіянату.
Марына Носава,
БелаПАНМінск, 21 лютага 2014
