На 1 студзеня 2014 года ў Беларусі працуюць 8.083 рамеснікі, паведамляе прэс-служба Міністэрства эканомікі.
Гэта перавышае аналагічны паказчык 2012 года на 494 чалавекі.
Па колькасці зарэгістраваных рамеснікаў на працягу апошніх гадоў традыцыйна лідзіруе Мінск, у 2013 годзе іх колькасць склала 1.737 чалавек.
У разрэзе рэгіёнаў найбольшая колькасць фізічных асоб ажыццяўляе рамесную дзейнасць у Брэсцкай і Віцебскай абласцях: 1.304 і 1.279 чалавек адпаведна, найменшая ў Магілёўскай — 801 чалавек. У Гомельскай вобласці — 980, Гродзенскай — 1.015, Мінскай — 967.
Марына Носава,
БелаПАНМінск, 22 студзеня 2014
