"Нацыянальным банкам Рэспублікі Беларусь праводзіцца конкурс па распрацоўцы лагатыпу і слогана інфармацыйнай кампаніі па павышэнні фінансавай адукаванасці насельніцтва. Пераможцу конкурсу чакае каштоўны прыз — сучасны смартфон", — паведамляе ўпраўленне інфармацыі галоўнага банка краіны.

На конкурс паступіла 130 работ, пяць з якіх на пасяджэнні рабочай групы Нацыянальнага банка па фінансавай адукаванасці былі адабраныя ў фінал. Пераможца конкурсу будзе вызначаны шляхам інтэрнэт-галасавання, у якім могуць удзельнічаць усе ахвотныя і якое завершыцца 18 кастрычніка ў 16.00.

Прагаласаваць можна толькі за адзін з прапанаваных пяці варыянтаў на сайце Нацбанка (www.nbrb.by).

Аляксей Арэшка, БелаПАН
Мінск, 4 кастрычніка 2013