МПЗ Беларусі прапануе прыняць заканадаўчы акт, які ўскладзе адказнасць на нядобрасумленных наймальнікаў за нявыплату плацяжоў пры выплаце зарплаты ў канвертах.

Пры выяўленні фактаў выплаты заработнай платы ў канвертах складана сабраць доказы ўчыненага правапарушэння, канстатаваў міністр. "Цяжкасці і ў тым, што калі наёмны работнік дае паказанні аб выплаце яму неафіцыйнай зарплаты, то абавязак па выплаце падаходнага падатку ўскладаецца на яго, а не на наймальніка, які атрымаў незаконны даход за кошт утойвання плацяжоў у Фонд сацыяльнай абароны насельніцтва. Прапануецца прыняць заканадаўчы акт, які дапаможа ўстараніць абазначаную праблему", - адзначыў Уладзімір Палуян.

За 2012 год і першае паўгоддзе 2013-га падатковымі праверкамі факты выплаты заработнай платы ў канвертах устаноўлены ў 2 тыс. суб`ектаў прадпрымальніцтва, у сувязі з чым ім дадаткова прад`яўлена падаткаў і санкцый на агульную суму больш як Br16 млрд.

8 жніўня 2013, Мінск
БЕЛТА