Правядзенне форуму менавіта ў гэты дзень невыпадковае, паколькі горад рыхтуецца адзначыць гадавіну вызвалення ад нямецка-фашысцкіх захопнікаў, паведаміў маэстра.

Канцэртная праграма пройдзе на трох пляцоўках: у дзіцячай вакальна-харавой школе, Палацы культуры Беларускай дзяржаўнай сельскагаспадарчай акадэміі і амфітэатры.

Творчая сустрэча з доктарам мастацтвазнаўства прафесарам Вольгай Дадзіёмавай пакладзе пачатак святу, пасля чаго публіку чакае канцэрт ансамбля флейтыстаў і вакальнай групы. Творчыя калектывы Нацыянальнага акадэмічнага канцэртнага аркестра - ансамблі флейтыстаў, трубачоў, кларнетыстаў, салістаў на драўляных духавых інструментах, струнны квартэт, струнны аркестр, вакальны ансамбль - прадставяць гледачам праграму "Урокі беларускай музыкі". У канцэрце прагучаць творы А.Радзівіла, М.К.Агінскага, Я.Голанда, М.Ельскага.

Вечарам у амфітэатры адбудзецца гала-канцэрт з удзелам зорак беларускай эстрады - заслужанай артысткі Беларусі Наталлі Тамела, Юрыя Вашчука, Аляксандра Салаўёва, Дзмітрыя Качароўскага і інш.

Свята музыкі "Горкі-2013" арганізавана ўпраўленнем культуры Магілёўскага аблвыканкама, Горацкім райвыканкамам, аддзелам культуры Горацкага райвыканкама, заслужаным калектывам "Нацыянальны акадэмічны канцэртны аркестр Беларусі".

26 чэрвеня 2013, Мінск
БЕЛТА