Беларусь упершыню вывучыць французскі вопыт арганізацыі музейнага маркетынгу. Беларускія спецыялісты восенню 2013 года наведаюць музейныя ўстановы Францыі.

У склад беларускай дэлегацыі ўвойдуць дырэктары буйнейшых музеяў сталіцы і рэгіёнаў: Нацыянальнага мастацкага музея, Нацыянальнага гістарычнага музея, Мірскага, Нясвіжскага замкаў і інш. Мэта візіту - вывучыць і пераняць вопыт прыцягнення публікі. Таксама беларускія эксперты азнаёмяцца з сістэмай аховы музейных прадметаў і каштоўнасцей.

"Францыя займае лідзіруючыя пазіцыі па развіццю музейнай справы. І работа з насельніцтвам там лічыцца адным з галоўных праектаў. Спадзяюся, візіт дасць магчымасць укараніць цікавыя ідэі ў Беларусі, што пасадзейнічае росту наведвальнасці нашых музеяў", - сказаў Васіль Чэрнік.

Чакаецца, што беларуская дэлегацыя наведае Парыж, Нансі, Ліён і Брэст. Візіт адбудзецца па запрашэнню французскага боку.

18 чэрвеня 2013, Мінск
БЕЛТА