У Дзяржаўным пагранічным камітэце Беларусі прапрацоўваецца пытанне аб зрушэнні тэрмінаў сёлетняга восеньскага прызыву на тэрміновую ваенную службу.

Паводле слоў Аляксандра Цішчанкі, плануецца, што прызыў на тэрміновую службу ў пагранведамства сёлета пройдзе некалькі пазней, чым звычайна. Гэта дазволіць пазбегнуць у маі 2014 года супадзення тэрмінаў звальнення ваеннаслужачых у запас з перыядам правядзення ў Беларусі чэмпіянату свету па хакеі. Менавіта цяперашняму прызыву давядзецца арганізоўваць пагранічную бяспеку і ўзмоцнена ахоўваць мяжу падчас хакейнага форуму.

Нагадаем, у адпаведнасці з указам прэзідэнта № 352 ад 2 жніўня прызыўная кампанія ў краіне праводзілася са жніўня па лістапад уключна.

Вячаслаў Будкевіч, БелаПАН
21 верасня 2012