Адзначаецца, што стральба адбылася пасля выязнога пасяджэння ўрада ў Хандлове. Па словах відавочцаў, Роберт Фіца выйшаў павітаць мясцовых жыхароў, калі мужчына з натоўпу зрабіў некалькі стрэлаў. Паводле інфармацыі выдання, палітык атрымаў раненні ў грудзі і жывот, яго даставілі на верталёце ў бальніцу Браціславы. Паводле папярэдніх звестак, стан Роберта Фіца ацэньваецца як вельмі цяжкі.

Нападніка адразу затрымала паліцыя.

У сувязі з тым, што абылося, Міністэрства замежных спраў Беларусі паведаміла, што Беларусь рашуча асудзіла замах на прэм’ер-міністра Славакіі Роберта Фіца.

«Рашуча асуджаем замах на прэм’ер-міністра Славакіі Роберта Фіца, актам нападу і гвалту ў дачыненні да палітыкаў і службовых асоб, якія б мэты яны ні пераследавалі, не месца ў XXI стагоддзі», — падкрэслілі ў МЗС.

У знешнепалітычным ведамстве таксама пажадалі хутчэйшага аднаўлення і выздараўлення прэм’ер-міністру Славакіі.

Звязда, 15 траўня 2024