Інструментальнае трыа "Лірыца" Гомельскай абласной філармоніі стала абсалютным пераможцам XIII Міжнароднага фестывалю - конкурсу аркестраў і ансамбляў народных інструментаў "Жубанаўская вясна-2016" у Казахстане.
Трыа "Лірыца" ўпершыню прыняло ўдзел у міжнародным конкурсе, адкуль вярнулася з трыма ўзнагародамі: дыпломам I ступені, адзіным спецыяльным дыпломам за лепшае выкананне твора Ахмета Жубанава, дыпломам лаўрэата фестывалю адзначана саліст-інструменталіст трыа Алена Сочнева.
Запрашэнне паўдзельнічаць у конкурсе музыканты атрымалі ад казахскіх калег, з якімі пазнаёміліся ў час выступлення на эканамічным форуме ў Арэнбурзе (Расія).
Як падкрэслілі артысты, іх візіт у Казахстан стаў магчымым дзякуючы падтрымцы Гомельскага аблвыканкама і абласной філармоніі. Згодна з умовамі конкурснай праграмы кожны калектыў у абавязковым парадку павінен быў іграць твор Ахмета Жубанава. "Лірыца" выканала кампазіцыю "Белы голуб" у сучаснай аранжыроўцы, якую спецыяльна для конкурсу напісаў удзельнік калектыву - баяніст Дзяніс Лабачоў.
Арыгінальнае гучанне казахскай песні ў еўрапейскай апрацоўцы высока ацаніла журы конкурсу, у складзе якога былі вядомыя музыканты Азіяцкага рэгіёна, народныя артысты, заслужаныя работнікі культуры і прадстаўнікі Міністэрства культуры Казахстана.
Традыцыйны XIII Міжнародны фестываль - конкурс аркестраў і ансамбляў народных інструментаў "Жубанаўская вясна-2016" прайшоў у Казахстане. Ён стаў прадаўжэннем мерапрыемстваў, прысвечаных увекавечанню памяці заснавальніка казахскай прафесійнай музыкі, кампазітара і акадэміка Ахмета Жубанава.
У фестывалі прынялі ўдзел 12 калектываў з 6 краін блізкага і далёкага замежжа: Казахстана, Татарстана, Кыргызстана, Башкортастана, Турцыі. Гомельская "Лірыца" была адзіным прадстаўніком Беларусі на конкурсе.
Трыа "Лірыца" (Дзяніс Лабачоў - баян, Алена Сочнева - цымбалы, Андрэй Сочнеў - балалайка-кантрабас) заснавана ў 1997 годзе. З 2004 года - музыканты Гомельскай абласной філармоніі. Інструментальны калектыў з`яўляецца лаўрэатам шматлікіх міжнародных, усерасійскіх і рэспубліканскіх конкурсаў. У рэпертуары трыа - творы класікі, беларускія народныя кампазіцыі, сучасныя хіты, мелодыі з кінафільмаў, а таксама калажы і папуры з вядомых шырокаму колу слухачоў мелодый.
28 красавіка 2016, Гомель
Юлія Лысенка - БЕЛТА
Трыа "Лірыца" ўпершыню прыняло ўдзел у міжнародным конкурсе, адкуль вярнулася з трыма ўзнагародамі: дыпломам I ступені, адзіным спецыяльным дыпломам за лепшае выкананне твора Ахмета Жубанава, дыпломам лаўрэата фестывалю адзначана саліст-інструменталіст трыа Алена Сочнева.
Запрашэнне паўдзельнічаць у конкурсе музыканты атрымалі ад казахскіх калег, з якімі пазнаёміліся ў час выступлення на эканамічным форуме ў Арэнбурзе (Расія).
Як падкрэслілі артысты, іх візіт у Казахстан стаў магчымым дзякуючы падтрымцы Гомельскага аблвыканкама і абласной філармоніі. Згодна з умовамі конкурснай праграмы кожны калектыў у абавязковым парадку павінен быў іграць твор Ахмета Жубанава. "Лірыца" выканала кампазіцыю "Белы голуб" у сучаснай аранжыроўцы, якую спецыяльна для конкурсу напісаў удзельнік калектыву - баяніст Дзяніс Лабачоў.
Арыгінальнае гучанне казахскай песні ў еўрапейскай апрацоўцы высока ацаніла журы конкурсу, у складзе якога былі вядомыя музыканты Азіяцкага рэгіёна, народныя артысты, заслужаныя работнікі культуры і прадстаўнікі Міністэрства культуры Казахстана.
Традыцыйны XIII Міжнародны фестываль - конкурс аркестраў і ансамбляў народных інструментаў "Жубанаўская вясна-2016" прайшоў у Казахстане. Ён стаў прадаўжэннем мерапрыемстваў, прысвечаных увекавечанню памяці заснавальніка казахскай прафесійнай музыкі, кампазітара і акадэміка Ахмета Жубанава.
У фестывалі прынялі ўдзел 12 калектываў з 6 краін блізкага і далёкага замежжа: Казахстана, Татарстана, Кыргызстана, Башкортастана, Турцыі. Гомельская "Лірыца" была адзіным прадстаўніком Беларусі на конкурсе.
Трыа "Лірыца" (Дзяніс Лабачоў - баян, Алена Сочнева - цымбалы, Андрэй Сочнеў - балалайка-кантрабас) заснавана ў 1997 годзе. З 2004 года - музыканты Гомельскай абласной філармоніі. Інструментальны калектыў з`яўляецца лаўрэатам шматлікіх міжнародных, усерасійскіх і рэспубліканскіх конкурсаў. У рэпертуары трыа - творы класікі, беларускія народныя кампазіцыі, сучасныя хіты, мелодыі з кінафільмаў, а таксама калажы і папуры з вядомых шырокаму колу слухачоў мелодый.
28 красавіка 2016, Гомель
Юлія Лысенка - БЕЛТА
