Вялікабрытанія рыхтуецца пачаць прамыя закупкі газу ў Расіі, у той час як лідэры краін Еўрасаюза пагражаюць Маскве новымі санкцыямі, піша брытанская версія выдання Huffington Post.
«Найбуйнейшая брытанская энергетычная кампанія Centrica, якая валодае кампаніяй British Gas, пачне прамой імпарт расійскага газу з кастрычніка гэтага года. Планы Centrica па закупках застаюцца ў сіле, нягледзячы на дзеянні дыпламатаў вакол Украіны і іх ціск на еўрапейскіх палітыкаў з мэтай знізіць энэргазалежнасьць ад Расіі «, — піша Huffington Post.
Выданне адзначае, вытворчасць газу ў Вялікабрытаніі падае штогод на 7%. У цяперашні час Брытанія не імпартуе газ з Расіі, аднак пастаўкі з РФ трапляюць у Брытанію праз Германію і іншыя еўрапейскія краіны.
ЗША і Еўрасаюз увялі супраць Расіі індывідуальныя санкцыі : замарожванне актываў і забарона на выдачу віз у дачыненні да шэрагу асоб. Размовы пра эканамічныя санкцыі ў ЕС ідуць ужо некалькі тыдняў, аднак рашэння пакуль не было.
Краіны G7 на гэтым тыдні прыгразілі Расіі санкцыямі супраць шэрагу сектараў эканомікі ў выпадку далейшай эскалацыі сітуацыі вакол Украіны. МЗС РФ раней заяўляў, што размаўляць з Расіяй мовай санкцый недарэчна і контрпрадуктыўна.
Звязда, 26 сакавіка 2014
