У час развіцця інтэрнэту, калі можна анлайн звязацца з партнёрам у любым пункце свету, найбольшую каштоўнасць знаходзяць кантакты ў фармаце B2B. Гэта павышае давер і паскарае заключэнне кантрактаў. Пра гэта падчас круглага стала ў мультымедыйным прэс-цэнтры Sputnik Беларусь расказала намесніца дырэктара "Белінтэрэкспа" Ганна Прынеслік.
Яшчэ старажытнагрэцкі філосаф і заснавальнік першай вышэйшай навучальнай установы ў Еўропе Платон агучыў ідэю аб "глядзельных кірмашах", прататыпах сучасных выстаў, чым унёс значны ўклад у эканамічную эвалюцыю. На самай справе сёння, у век глабальнай канкурэнцыі, выставы з’яўляюцца эфектыўным спосабам прасоўвання прадукцыі, і Беларусь актыўна ў іх удзельнічае.
"Я б хацела адзначыць, што вялікая колькасць менавіта беларускіх прадпрыемстваў харчовай галіны прадастаўляюць за мяжой сваю прадукцыю. І я магу сказаць, што на самых вялікіх выставах, сусветных выставах, прысутнічаюць беларускія павільёны, і яны стаяць разам з італьянскімі, французскімі, амерыканскімі, кітайскімі.
Прычым, падкрэсліла яна, айчынныя павільёны – адны з самых наведвальных.
Прынеслік удакладніла, што кожны год у буйных замежных выставах бяруць удзел больш як 200 беларускіх кампаній.
Літаральна на днях, паведаміла намесніца дырэктара "Белінтэрэкспа", адбудзецца адкрыццё глабальнай выставы па прадуктах харчавання ў Дубаі, дзе будзе прадстаўлена Беларусь.
"Гэта выставачная пляцоўка лічыцца №1 у свеце. Таму вельмі важна прымаць удзел у такіх мерапрыемствах для таго, каб пра цябе ведалі як пра добрага лаяльнага партнёра, у якога добрая рэпутацыя, а адпаведна, і добрая прадукцыя", - падкрэсліла Прынеслік.
Разам з тым яна адзначыла, што мала проста арандаваць павільён: галоўная задача – забяспечыць прасоўванне прадукту. Для гэтага патрэбны сучасныя тэхналогіі, і імі гатовы дзяліцца расійскія партнёры, дадала прадстаўнік "Белінтэрэкспа".
У сваю чаргу член камітэта Гандлёва-прамысловай палаты Расійскай Федэрацыі па выставачна-кірмашовай і кангрэснай дзейнасці Марцін Кіламці адзначыў, што адной з асноўных каштоўнасцей выставак з’яўляецца магчымасць наладжваць кантакты. Прычым калі раней збор кантактаў, аналіз наведвальнікаў павільёна займаў некалькі дзён, а то і тыдняў, то зараз гэта адбываецца вельмі хутка.
"Нашы тэхналогіі даюць магчымасць у момант збіраць усе гэтыя кантакты, аналізаваць інтарэсы, збіраць маркетынгавую інфармацыю аб наведвальніках. І ўсё гэта ўжо ў гатовым выглядзе, аўтаматычна тут жа аказваецца ў асабістым кабінеце ў экспанента, які можа ўжо на наступны дзень або адразу пасля заканчэння выставы звязвацца з наведвальнікамі, з гасцямі сваіх стэндаў і прапаноўваць ім свае паслугі", - сказаў Кіламці.
Гэта дае магчымасць, што называецца, быць на крок наперадзе канкурэнтаў, дадаў ён.
