"Атрымліваючы асалоду ад польскай свабоды, асабліва сардэчныя думкі мы накіроўваем беларускім дэмакратам. Выказваем салідарнасць з імі і заклікаем да спынення палітычных рэпрэсій супраць іх", — заявіў Камароўскі, прамова якога размешчана на сайце прэзідэнта краіны. 

Камароўскі нагадаў, што ў другой палове 2011 года Польшча будзе старшынстваваць у Еўрасаюзе. "Польскае старшынства — гэта наш шанс на наш уклад у паглыбленне інтэграцыі кантынента, шанс прадставіць Еўропе і свету нашы польскія поспехі, — адзначыў прэзідэнт. — Будзем пераконваць сваіх еўрапейскіх сяброў, што свабодай і дабрабытам варта дзяліцца з іншымі". 

Паводле слоў польскага лідара, яго краіна будзе правадніком інтарэсаў народаў, якія імкнуцца ў ЕС, ініцыятарам будаўніцтва мастоў, а не новых сцен.

Мінск, 2 студзеня 2011

Дзмітрый Уласаў, БелаПАН