https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


Прэм’ер Бельгіі аб’явіў аб адстаўцы пасля паражэння яго партыі на выбарах у Еўрапарламент


Аляксандэр Дэ Кроа аб’явіў аб сваёй адстаўцы з пасады прэм’ер-міністра Бельгіі ў выніку драматычнага павароту падзей пасля выбараў у Еўрапарламент. Аб гэтым інфармуе Politico.
Заява была зроблена пасля значнага паражэння яго партыі «Адкрытыя фламандскія лібералы і дэмакраты» (Open VLD), якая атрымала менш за 6% галасоў і саступіла правай палітычнай сіле N-VA «Фламандскі інтарэс».

«Заўтра я пакіну пасаду прэм’ер-міністра. Гэта не той вынік, на які я спадзяваўся, таму я бяру на сябе адказнасць за яго», — заявіў Дэ Кроа СМІ вечарам 9 чэрвеня, прызнаючы паражэнне сваёй партыі. «Я перакананы, што нам патрэбны хутка новы ўрад з поўнымі паўнамоцтвамі», — дадаў ён.

Нягледзячы на ​​несуцяшальныя вынікі, Дэ Кроа з аптымізмам выказаўся адносна будучыні лібералаў, заявіўшы, што яны моцныя. «Мы яшчэ вернемся», — сказаў прэм’ер.

Чакаецца, што Дэ Кроа захавае сваю пасаду на часовай аснове да таго часу, пакуль не будзе створаны новы ўрад, адзначае Агенцтва Анадолу.

Бельгія да 30 чэрвеня 2024 года старшынюе ў ЕС. З 1 ліпеня 2024 года старшынства ў Еўрапейскам савеце прымае на сябе Венгрыя. Краіна-старшыня ў Еўрапейскам савеце мяняецца кожныя шэсць месяцаў.

Раней прэзідэнт Францыі Эмануэль Макрон, чыя партыя «Рэнесанс» прайграла на выбарах у Еўрапарламент, распусціў Нацыянальны сход і аб’явіў датэрміновыя парламенцкія выбары. Макрон адзначыў, што ў Еўропе ўзмацнілі свае пазіцыі партыі, якія з’яўляюцца сапернікамі дапамогі Украіне. Прэзідэнцкая партыя «Рэнесанс» на выбарах у Еўрапейскі парламент набрала ўдвая менш галасоў (больш за 15%), чым апазіцыйная правая партыя «Нацыянальнае аб’яднанне», у падтрымку якой выступіла звыш 30% электарату.

Акрамя Бельгіі і Францыі, правыя сілы выйшлі на першае месца ў Аўстрыі і на другое ў Германіі.

Звязда, 10 чэрвеня 2024
 
Дата публикации:10.06.2024
Тематика:Новости, В мире
Просмотров:194
 
Ключевые слова:
Евросоюз Выборы
 
 


Комментарии



 



Другие новости по этой теме