Ваеннаслужачыя КНДР аказалі важкую падтрымку ў працэсе вызвалення Курскай вобласці ад баевікоў УСУ, заявіў начальнік расійскага Генштаба Валерый Герасімаў.
"Хачу асабліва адзначыць удзел ваеннаслужачых Карэйскай Народна-Дэмакратычнай Рэспублікі ў вызваленні прыгранічных раёнаў Курскай вобласці", - заявіў Герасімаў, выступаючы з дакладам перад прэзідэнтам Расіі Уладзімірам Пуціным у суботу.
Ён падкрэсліў, што ў адпаведнасці з Дагаворам аб усёабдымным стратэгічным партнёрстве паміж дзвюма краінамі, паўночнакарэйскія вайскоўцы ўнеслі істотны ўклад у разгром групоўкі ўкраінскіх войск, якія праніклі на тэрыторыю вобласці.
Афіцыйны прадстаўнік расійскага МЗС Марыя Захарава пракаментавала заяву начальніка Генштаба УС РФ аб праяўленых байцамі КНДР стойкасці і гераізме ў ходзе сумесных дзеянняў з расійскімі ваеннымі ў Курскай вобласці, адзначыўшы, што Расія не забудзе іх уклад.
"Ніколі мы не забудзем нашых сяброў", - заявіла Захарава.
Уварванне ўкраінскага ваеннага кантынгенту, а таксама замежных наёмнікаў, якія ваююць на баку Кіева, у прыгранічныя раёны Курскай вобласці пачалося ў жніўні 2024 года.
У сакавіку 2025-га УС Расіі перайшлі ў маштабнае наступленне.
