«Прэзідэнты абмяняюцца думкамі аб узаемадзеянні ў Садружнасці, абмяркуюць новую рэдакцыю Канцэпцыі далейшага развіцця СНД і план асноўных мерапрыемстваў па яе рэалізацыі, заслухаюць даклад аб развіцці і ўмацаванні міжпарламенцкага супрацоўніцтва краін Садружнасці Незалежных Дзяржаў», — расказалі ў прэс-службе.

Чакаецца, што кіраўнікі дзяржаў падпішуць дзве сумесныя заявы — з нагоды 75-й гадавіны стварэння Арганізацыі Аб’яднаных Нацый і аб супрацоўніцтве ў галіне забеспячэння міжнароднай інфармацыйнай бяспекі. Плануецца таксама падпісанне дакументаў, якія рэгламентуюць узаемадзеянне краін СНД у гуманітарнай, ваеннай, прававой сферах, ва ўмацаванні пагранічнай бяспекі на знешніх граніцах.

Будзе таксама прынята рашэнне аб старшынстве ў Садружнасці Незалежных Дзяржаў у 2021 годзе.

Звязда, 11 снежня 2020