Сітуацыя ў Беларусі ў інфармацыйнай прасторы сур`ёзна скажаецца, ідзе мноства інфармацыйных укідаў з сервераў з пяці-шасці краін, у тым ліку Украіны, Вялікабрытаніі, Сінгапура, а таксама Прыбалтыкі, лічыць прафесар кафедры дзяржкіравання і нацыянальнай бяспекі Дыпакадэміі МЗС Расіі Іван Сурма. 

"У Беларусі ідзе сур`ёзнае інфармацыйнае скажэнне. Гэты праект стратэгічнай камунікацыі быў запушчаны ў Еўрасаюзе, ён быў наогул у Пентагоне распрацаваны яшчэ ў пачатку стагоддзя. Інфармацыйна расхістваюць гэту сітуацыю вельмі актыўна, даводзяць да стану палітычнай сінгулярнасці, але чым яна скончыцца - пытанне няяснае", - заявіў Іван Сурма ў час прэс-канферэнцыі ў рэжыме анлайн.

Паводле ацэнкі эксперта, інфармацыйных укідаў вельмі шмат. "Быў праведзены аналіз, высветлілася, што ў Беларусі інфармацыйны ўплыў аказваюць тыя ж, хто ўздзейнічаў на Расію ў перыяд паправак у Канстытуцыю, па COVID. Тое ж самае цяпер у Беларусі праяўляецца. Тыя ж атакі мы бачым на інфармпрастору Беларусі - серверы тыя ж самыя: Вялікабрытанія, Сінгапур, Украіна, Прыбалтыка і гэтак далей, 5-6 краін", - адзначыў палітолаг.

Ён удакладніў, што актыўнымі актарамі выступаюць Польшча і Літва. "Польшча - удзельнік натаўскага блока, там ёсць цэнтры, якія сапраўды аказваюць інфармацыйны ўплыў актыўны", - заявіў Іван Сурма.

30 кастрычніка 2020, Мінск
БЕЛТА