Па словах Станіслава Зася, на пасяджэнні разглядаліся пытанні аб стане і перспектывах развіцця міжнароднай і рэгіянальнай абстаноўкі і яе ўплыву на бяспеку дзяржаў - членаў АДКБ.

«Па гэтай тэме выказаліся ўсе кіраўнікі дэлегацый, — распавёў Станіслаў Зась. — І калі падсумаваць усе адзнакі, якія прагучалі, трэба канстатаваць, што адбываецца нарастанне пагроз бяспекі дзяржавам — членам АДКБ ва ўсіх вымярэннях і па ўсіх напрамках. Гэта не нейкае штучнае згушчэнне фарбаў або паўтор ацэнак. На жаль, такія рэаліі, у якіх мы жывем, і гэта павінна ўлічвацца ў дзейнасці АДКБ».

Як адзначыў Станіслаў Зась, адным з высноў праведзенага абмеркавання стала тое, што ў сітуацыі, якая складваецца, дзяржавы АДКБ павінны ўмацоўваць узаемадзеянне з іншымі краінамі і міжнароднымі арганізацыямі, у прыватнасці з СНД і Шанхайскай арганізацыяй супрацоўніцтва, у мэтах забеспячэння бяспекі.

Станіслаў Зась даў ацэнку і сітуацыі на заходнім напрамку АДКБ. «Што тычыцца заходняга напрамку, адбываецца мілітарызацыя рэгіёна, — заўважыў ён. — Амаль усе краіны ўсходнееўрапейскага рэгіёну, якія мяжуюць з Расіяй і Беларуссю, у апошнія гады нарошчваюць свае абаронныя выдаткі, ўдасканальваюць ваенную інфраструктуру паблізу нашых межаў».

«Вядома, нас гэта не можа не турбаваць», — рэзюмаваў генеральны сакратар АДКБ.

Падчас відэаканферэнцыі кіраўнікі МЗС краін АДКБ зрабілі шэраг заяў: яны заявілі аб неабходнасці аб`яднання намаганняў у барацьбе з COVID-19, заклікалі зберагчы гістарычную праўду аб вызваленні свету ад нацызму. Таксама было вырашана, што АДКБ будзе пашыраць узаемадзеянне з ААН у сферы міратворчай дзейнасці.

Звязда, 26 траўня 2020