https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


У Кітаі знайшлі звыш 400 адбіткаў слядоў дыназаўраў


У правінцыі Юньнань на паўднёвым захадзе Кітая было знойдзена больш за 400 скамянелых адбіткаў слядоў дыназаўраў, якія жылі тут у часы ранняга крэйдавага перыяду, перадае «Сіньхуа».
Знаходкі былі зроблены даследчыкамі на гары каля адной з вёсак пасёлка Кунлуншань горада Луфэн Чусюн-Ійскай аўтаномнай акругі гэтай правінцыі. Пласты горных парод, дзе захаваліся сляды дыназаўраў, датуюцца прыкладна 120 млн гадоў, падзяліўся кіраўнік мясцовага цэнтра аховы і даследавання выкапняў дыназаўраў Ван Таа.

Паводле яго слоў, адбіткі можна падзяліць на тры групы. Першая належыць да дыпладокаў або іншых прадстаўнікоў заўрападаў, другая — да тыраназаўра і іншых відаў тэраподаў. Трэцяя група адбіткаў з прыкметнымі паглыбленнямі на пярэднім канцы была пакінута стэгазаўрамі або анкілазаўрамі. Мяркуючы па ўсім, гэты раён у далёкім мінулым быў размешчаны каля возера пасярод багатай расліннасці, растлумачыў даследчык.

Горад Луфэн славіцца як «радзіма дыназаўраў». З 1938 года на яго тэрыторыі было знойдзена 120 скамянелых дыназаўраў. Тым не менш такая вялікая колькасць адбіткаў слядоў дыназаўраў, якія жылі ў крэйдавы перыяд, знойдзены тут упершыню.

Звязда, 9 чэрвеня 2024
 
Дата публикации:09.06.2024
Тематика:Культура, В мире
Просмотров:115
 
Ключевые слова:
Китай Археология Динозавры Меловой период
 
 


Комментарии



 



Другие новости по этой теме