https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Беларускія прадпрыемствы прымуць удзел у 61-й Дамаскай міжнароднай выстаўцы, якая пройдзе з 28 жніўня да 6 верасня


Аб гэтым паведамілі ў выставачным унітарным прадпрыемстве "Белінтэрэкспа" Беларускай гандлёва-прамысловай палаты.
Мінскі трактарны завод прадставіць на выстаўцы трактары з рухавікамі магутнасцю ад 35 да 355 к.с., аснашчаныя клімат-кантролем, GPS-навігацыяй і сістэмай ахаладжэння, якая дае магчымасць працаваць пры тэмпературы да плюс 50 градусаў. Мінскі аўтамабільны завод прадэманструе вялікагрузныя аўтамабілі, уключаючы седлавыя цягачы і самазвалы павышанай праходнасці.

"Магілёўліфтмаш" прадставіць пасажырскія ліфты з плаўным ходам, антывандальнымі панэлямі кіравання і індыкатарамі руху кабін, а таксама грузавыя ліфты з кабінамі павышанай трываласці і мікрапрацэсарнымі станцыямі кіравання.

Лекавыя сродкі новага пакалення для лячэння анкалагічных, сардэчна-сасудзістых, эндакрынных захворванняў і туберкулёзу пакажа прадпрыемства "Белмедпрэпараты".

Міжнародная навукова-вытворчая кампанія "Націвіта" прадэманструе ўзоры лякарстваў для лячэння ракавых захворванняў.

Экспазіцыя знаходзіцца ў фінальнай стадыі фарміравання, аднак беларускія прадпрыемствы могуць падаць заяўку на ўдзел да 9 жніўня.

Арганізатарам экспазіцыі Made in Belarus выступае выставачнае прадпрыемства "Белінтэрэкспа" БелГПП пры падтрымцы і ўдзеле Беларускай гандлёва-прамысловай палаты, Міністэрства прамысловасці, Міністэрства аховы здароўя, Міністэрства сельскай гаспадаркі і харчавання Беларусі.

Экспазіцыя прымеркавана да сёмага пасяджэння сумеснай беларуска-сірыйскай камісіі па гандлёвым, эканамічным і тэхнічным супрацоўніцтве, якое адбудзецца 29-30 жніўня.

Дамаская міжнародная выстаўка праводзіцца з 1954 года і з`яўляецца найбольш значным выставачным мерапрыемствам у Сірыі.

У мінулым годзе ў выстаўцы ўдзельнічалі 1700 прадпрыемстваў з 50 краін. Нацыянальныя экспазіцыі прапанавалі Беларусь, Балгарыя, Індыя, Іран, КНР, Расія і Чэхія. Выстаўку наведалі больш за 100 тыс. чалавек.

Усяго ў 2019 годзе выставачнае прадпрыемства "Белінтэрэкспа" БелГПП запланавала больш за 40 выставак і экспазіцый у 25 краінах свету, сярод якіх Азербайджан, Ангола, Аргенціна, Балгарыя, Вялікабрытанія, Германія, Грузія, Ірак, Казахстан, Катар, Кітай, Куба, Манголія, Нігерыя, ААЭ, Польшча, Расія і інш.

8 жніўня 2019, Мінск
БЕЛТА
 
Дата публикации:08.08.2019
Тематика:Товары из Беларуси, В мире
Просмотров:40
 
Ключевые слова:
Сирия Выставка
 
 


Комментарии



 



Другие новости по этой теме