https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Беларускія электробусы могуць з`явіцца на вуліцах Бішкека


Аб гэтым паведаміў намеснік прэм`ер-міністра Беларусі Уладзімір Кухараў 21 лютага на пасяджэнні міжурадавай беларуска-кыргызскай камісіі па гандлёва-эканамічным супрацоўніцтве.
"Беларускія машынабудаўнікі гатовы ў поўнай меры забяспечыць патрэбнасці Кыргызстана ў пасажырскай, грузавой і камунальнай тэхніцы. Пытанне абнаўлення парку пасажырскай тэхнікі актуальнае для сталіцы Кыргызстана і многіх іншых гарадоў. У снежні мінулага года дэлегацыя наведала беларускія прадпрыемствы, убачыла апошнія распрацоўкі МАЗа і "Белкамунмаша".

Прыемна, што мы змаглі зацікавіць нашымі дасягненнямі па стварэнні электробусаў і тралейбусаў з аўтаномным ходам, пачаць перагаворы па іх набыцці для кыргызскай сталіцы", - сказаў Уладзімір Кухараў.

Віцэ-прэм`ер упэўнены, што з улікам вытворчага патэнцыялу Кыргызстана можна рушыць наперад у рэалізацыі праектаў па стварэнні зборачных вытворчасцей. Так, зборачная вытворчасць трансфарматараў можа быць створана з Мінскім электратэхнічным заводам імя Казлова, ліфтаў - з "Магілёўліфтмашам", газавых лічыльнікаў - з "БелОМА".

Па выніках пасяджэння міжурадавай камісіі сёння плануецца падпісаць пагадненне аб супрацоўніцтве ў галіне сельскай гаспадаркі і харчавання паміж Мінсельгасхарчам Беларусі і Міністэрствам сельскай гаспадаркі, харчовай прамысловасці і меліярацыі Кыргызстана.

Пагадненне аб супрацоўніцтве ў гандлёва-эканамічнай, навукова-тэхнічнай, гуманітарнай і культурнай сферах заключаць Гомельскі аблвыканкам і Апарат паўнамоцнага прадстаўніка ўрада Кыргызстана ў Чуйскай вобласці.

Падпішуць пагадненне аб супрацоўніцтве Мінскі электратэхнічны завод імя Казлова і ТАА "Машэлектраснаб".

Тавараабарот Беларусі і Кыргызстана ў 2019 годзе склаў $106,9 міл і ў параўнанні з 2018 годам скараціўся на 18,5 працэнта. Сальда склалася дадатнае для Беларусі ў памеры $90,3 млн. Асноўнымі пазіцыямі беларускага экспарту сталі малочныя прадукты, трактары і седлавыя цягачы, мяса і субпрадукты птушкі, лякарствы, мэбля і драўняна-стружкавыя пліты. З Кыргызстана імпартаваліся часткі і прылады для аўтамабіляў і трактароў, радыятары, машыны для ўборкі сельгаскультур, агародніна і фрукты.

21 лютага 2020, Мінск
БЕЛТА
 
Дата публикации:21.02.2020
Тематика:Товары из Беларуси, В мире
Просмотров:293
 
Ключевые слова:
Кыргызстан Электробус Городской транспорт Экология
 
 


Комментарии



 



Другие новости по этой теме