"Роскосмос" і NASA сінхранізавалі тэрміны завяршэння працы Міжнароднай касмічнай станцыі, заявіў кіраўнік дзяржкарпарацыі Юрый Барысаў.
"Каб не мець перапынкаў у пілатуемай праграме, мы сінхранізавалі меркаваныя тэрміны завяршэння работы МКС, якія мы абмяркоўваем з нашымі амерыканскімі калегамі", - распавёў кіраўнік "Роскосмоса" ў эфіры "Россия-24".
Паводле яго слоў, прыблізна ў той жа час, калі Расія выйдзе з праекта МКС, запланаваны пачатак пілатуемых палётаў на новую Расійскую арбітальную станцыю (РАС).
"У 2027 годзе выводзім першы модуль, навукова-эксперыментальны модуль, затым шлюзавы і стыкоўны, потым базавы", - удакладніў Барысаў.
Пасля чаго дадаў, што фармаванне станцыі завершыцца прыблізна ў 2032-2033 гадах. Пры гэтым пілатуемыя палёты на РАС пачнуцца з 2028 года.
Беларускі след
Першая беларуская касманаўтка Марына Васілеўская паляцела на МКС 23 сакавіка 2024 года на касмічным караблі "Союз МС-25".
На МКС беларуская жанчына-касманаўт правяла шэраг навуковых эксперыментаў. За палёт яна была ўдастоена звання Герой Беларусі, стаўшы 14 па ліку грамадзянінам рэспублікі, што атрымалі самую высокую ўзнагароду.
Міжнародная касмічная станцыя была выведзена на арбіту 20 лістапада 1998 года. Гэта міжнародны праект, у які ўваходзяць Расія, Канада, ЗША, Японія і 10 членаў Еўрапейскага касмічнага агенцтва.
