Еўразійскі эканамічны саюз пачне сумесны праект па вытворчасці вакцын супраць каронавіруса.
Пра планы па забеспячэнні дзяржаў-членаў стратэгічна важнымі лекавымі прэпаратамі ў рамках відэамоста Ерэван-Масква - Бішкек - Мінск - Нур-Султан расказала афіцыйная прадстаўніца ЕЭК, памочніца старшыні Калегіі ЕЭК Ія Малкіна.
"Мы пачалі ўжо рэалізацыю плана мерапрыемстваў па павышэнню ўзроўню забяспечанасці краін ЕАЭС стратэгічна важнымі лекавымі прэпаратамі і фармацэўтычнымі субстанцыямі", - сказала яна.
"Аб`ём узаемнай прадукцыі фармацэўтычнай прадукцыі за студзень-верасень 2021 года склаў каля 625 мільёнаў долараў, што на 21,5% больш, чым за аналагічны перыяд мінулага года", – прывяла лічбы яна.
Для імпартазамяшчэння лекавых сродкаў замежнай вытворчасці ў ЕАЭС плануецца стварыць уласныя вытворчасці замкнёнага цыкла, якія забяспечаць унутраны рынак сваімі прэпаратамі і матэрыяламі.
"Галоўнае, што мы для сябе вызначылі - гэта дасягненне так званай, лекавай бяспекі Саюза. І мы хочам прастымуляваць цікавасць у кампаній і фарміндустрыі, у першую чаргу нацыянальных, выводзіць на рынак арыгінальную айчынную прадукцыю", - падкрэсліла Малкіна.
Пры гэтым стаўка будзе зроблена на інавацыйныя распрацоўкі і тэхналогіі.
"Мяркуецца фармаванне Еўразійскай тэхналагічнай платформы па накіраванню фармацэўтыка. Мы плануем прымяняць розныя стымулюючыя меры тарыфнага і нетарыфнага рэгулявання. Дапускаем пытанні, звязаныя з субсідзіраваннем асобных этапаў распрацоўкі вытворчасці, дыстрыбуцыі лекавых сродкаў", - адзначыла Малкіна.
План да 2024 года
Па словах Малкінай, рэалізаваць дадзеную праграму плануецца да канца 2024 года.
"Пасля чаго мы зможам гаварыць аб канкрэтных сумесных вытворчасцях, якія былі адкрыты на тэрыторыі нашых дзяржаў-членаў. Магчыма, мы прыйдзем і да канкрэтных сумесных праектаў па вытворчасці вакцын супраць каронавіруснай інфекцыі", - рэзюмавала яна.
Малкіна таксама дадала, што Еўразійская тэхналагічная платформа знаходзіцца ўжо ў стадыі распрацоўкі.
