
Мэдаль уручаецца:
– Асобам, якія адзначыліся на ніве змаганьня за волю і незалежнасьць Беларусі,
– Выбітным грамадзкім і культурніцкім дзеячам у Беларусі і сярод беларускага замежжа,

Сярод узнагароджаных – першы амбасадар ЗША ў Беларусі Дэвід Сўорц і амбасадар Швэцыі ў Беларусі Стэфан Эрыксан; палітыкі і грамадзкія дзеячы; вэтэраны беларускага незалежніцкага руху і палітычныя вязьні; дасьледчыкі Джым Дынглі, Арнольд Макмілін, Адам Мальдзіс; акадэмік Радзім Гарэцкі; пісьменьнік Уладзімер Арлоў; стваральнікі эталёну дзяржаўнага гербу “Пагоня” Аляксей Марачкін і Леў Талбузін; і многія іншыя.
Агулам узнагароджаныя больш за 130 асобаў зь Беларусі і замежжа.
Уручэньне ўзнагародаў адбудзецца на працягу 2019 года.
Рада Беларускай Народнай Рэспублікі, 25 сьнежня 2018