Нацыянальная авіякампанія "Белавія" з пераходам на зімовы расклад (з 30 кастрычніка) змяняе праграму палётаў па маршруце Мінск-Масква-Мінск, паведамілі ў авіякампаніі.
Штодзённы ранішні рэйс нумар B2-1984/83 Мінск-Масква-Мінск будзе перанесены з маскоўскага аэрапорта Шарамецева ў аэрапорт Дамадзедава (час выканання рэйса застаецца ранейшае). Час вылету рэйса нумар B2-1954 Мінск-Масква (аэрапорт Дамадзедава) пераносіцца з 21.25 на 22.25. У зваротным напрамку рэйс нумар B21953 Масква (аэрапорт Дамадзедава)-Мінск будзе выконвацца ў 6.30.
Пасля ўвядзення сумесных з кампаніяй "Трансаэра" спецыяльных тарыфаў па напрамках Нью-Ёрк, Маямі, Таронта, Пекін і Ганконг было шмат просьбаў з боку пасажыраў па паляпшэнню стыковак рэйсаў у Маскве, таму было прынята рашэнне па аптымізацыі раскладу", - расказалі ў авіякампаніі.
Новы час выканання рэйсаў будзе садзейнічаць больш зручным стыкоўкам з дзясяткамі расійскіх і замежных авіякампаній. Таксама значна палепшацца стыкоўкі з авіякампаніяй S7, якая выконвае палёты з аэрапорта Дамадзедава ў пункты Расійскай Федэрацыі.
У рамках аптымізацыі раскладу палётаў у Маскву з 22 верасня 2011 года будзе таксама спынена выкананне рэйса нумар B2-1974/73 Мінск-Масква (аэрапорт Унукава)-Мінск.
Пасажыры, якія загадзя купілі або забраніравалі білет на адмененыя і змененыя рэйсы, будуць у індывідуальным парадку праінфармаваны. Білеты будуць бясплатна перабраніраваны на іншы зручны для іх час.
Звязда, 6 верасня 2011
