З 15 жніўня ў Беларусі знаходзіцца дэлегацыя Паветраных сіл Украіны на чале з камандуючым генерал-лейтэнантам Сяргеем Анішчанкам.
Як паведаміла прэс-служба ўкраінскага Міністэрства абароны, падчас візіту будуць абмяркоўвацца пытанні, што тычацца стану і перспектыў развіцця супрацоўніцтва ў сферы супрацьпаветранай абароны, магчымасці правядзення сёлета ўкраінска-беларуска-расійскіх вучэнняў дзяжурных сіл па СПА, а таксама выкарыстання палігонаў Узброеных сіл Украіны ў інтарэсах беларускай арміі.
Візіт украінскіх ваенных завершыцца 17 жніўня.
Вячаслаў Будкевіч,
БелаПАНМінск, 16 жніўня 2011
