Высветлілася, што спайкавы бялок, які SARS-CoV-2 выкарыстоўвае для пранікнення ў клеткі чалавека, можа аказваць такі ж уплыў на імунныя клеткі мозгу, як і на астатнія часткі цела. Нягледзячы на тое, што вірус не здольны размнажацца ў мозгу, з-за імуннага адказу ён можа выклікаць некаторыя парушэнні, напрыклад, страту памяці і затуманенасць свядомасці.

Цяпер медыкаў цікавіць, калі каранавірусная інфекцыя здольная ўплываць на мозг, ці можа яна правакаваць у будучыні развіццё некаторых нейрадэгератыўных захворванняў, такіх як хвароба Альцгеймера або Паркінсана.

Раней даследнікі з Оксфардскага ўніверсітэта раскрылі ўплыў COVID-19 на мозг. Высветлілася, што каранавірусная інфекцыя выклікае памяншэнне аб’ёму мозгу. Урачы таксама адзначылі, што захворванне спрыяе не толькі часоваму пагаршэнню кагнітыўных здольнасцяў, але можа знізіць іх назаўжды.

Звязда, 21 сакавіка 2022