— Як такога дыягназу, які быў бы прапісаны ў Міжнароднай класіфікацыі хвароб, вядома ж, не існуе. Але з паняццем «святочных дэпрэсій» я сустракалася. Гэта такое дакладнае, устойлівае зніжэнне настрою, павышэнне трывогі, памяншэнне працаздольнасці і энергіі ў цэлым у перыяд свят.

Звязаны такі стан з вялікай колькасцю прычын, сярод якіх цалкам сабе простыя фінансавыя. Гэта значыць людзі жадаюць цікава, класна падрыхтавацца да свят, купіць нешта, але не хапае сродкаў, і гэта выклікае стрэс.

Наступны момант — залішнія чаканні. Чалавек святы звязвае з тым, што гэты час цудаў, думае, што ў яго павінен быць цудоўны настрой, трэба сустрэцца з каханымі сябрамі і сваякамі. Але ў рэальнасці не заўжды такое адбываецца.

Калі казаць канкрэтна пра сваякоў, гэта яшчэ адзін фактар, які можа выклікаць святочную дэпрэсію. Таму што сем’і збіраюцца разам, усплываюць нейкія старыя крыўды, завышаныя чаканні.

Чалавек, які праводзіць Новы год адзін і не збіраецца з сям’ёй, у гэты час можа адчуваць большае пачуццё адзіноты. Думаць, што ўсё святкуюць сем’ямі, а ён адзін. Пачынаюцца негатыўныя думкі аб сабе, аб жыцці, і гэта таксама выклікае дэпрэсіўныя сімптомы.

Звязда, 14 снежня 2024