У Міжнародным вучэбным цэнтры падрыхтоўкі, павышэння кваліфікацыі і перападрыхтоўкі кадраў у сферы міграцыі і процідзеяння гандлю людзьмі Акадэміі Міністэрства ўнутраных спраў Беларусі з 18 па 21 мая праходзіць курс павышэння кваліфікацыі "Процідзеянне дзіцячай парнаграфіі ў інтэрнэце".
Слухачы — прадстаўнікі МУС і Следчага камітэта Беларусі, а таксама МУС Малдовы.
Слухачы — прадстаўнікі МУС і Следчага камітэта Беларусі, а таксама МУС Малдовы.
Навучанне праводзіцца з удзелам міжнародных экспертаў з Вялікабрытаніі, якія валодаюць багатым практычным вопытам працы ў падраздзяленнях паліцыі Лондана па барацьбе з гандлем людзьмі і дзіцячай парнаграфіяй у інтэрнэце, Рычарда Мэцьюса і Пола Баера.
Навучальны семінар праводзіцца ў межах рэалізацыі праекта міжнароднай тэхнічнай дапамогі "Садзеянне ўмацаванню міжнароднага супрацоўніцтва ў сферы процідзеяння гандлю людзьмі ў кантэксце выканання правоў чалавека", які рэалізуецца МУС сумесна з Упраўленнем вярхоўнага камісара ААН па правах чалавека і Праграмай развіцця ААН у Беларусі.
Трэнінг дазволіць атрымаць навыкі прымянення спецыялізаванага праграмнага забеспячэння для ўстанаўлення падазроных, якія распаўсюджваюць выявы з элементамі дзіцячай парнаграфіі, у тым ліку ў розных файлаабменных сетках. Асобныя яго кампаненты дазваляюць расследаваць і раскрываць іншыя злачынствы, звязаныя з гандлем людзьмі.
Акрамя вывучэння магчымасцей ліцэнзаванага праграмнага забеспячэння, для слухачоў будуць арганізаваны практычныя заняткі па выкарыстанні спецыяльных ведаў пры расследаванні злачынстваў, звязаных з дзіцячай парнаграфіяй у інтэрнэце і сістэмай абароны дзяцей.
