Грамадзянін Украіны, які пражывае ў Маскве, збіраўся незаконна перайсці беларуска-польскую мяжу ў пошуках лепшых умоў жыцця. 

Як паведамляе Дзяржаўны пагранічны камітэт Беларусі, пры асабістым аглядзе ў затрыманага знойдзена карта Гродзенскага раёна, планшэт, 400 тысяч рублёў, асабістыя рэчы. 

26-гадовы малады чалавек аформлены парушальнікам дзяржаўнай мяжы, для высвятлення ўсіх акалічнасцяў дастаўлены і ўтрымліваецца ў ізалятары часовага ўтрымання Гродзенскай пагранічнай групы.

Вячаслаў Будкевіч, БелаПАН
Мінск, 26 студзеня 2015