"Настолькі працяглага гарачага перыяду, які адзначаецца цяпер, на тэрыторыі Беларусі не было з 1989 года", - сказаў Дзмітрый Рабаў.

Паводле слоў прадстаўніка гідраметэацэнтра, штогод на тэрыторыі Беларусі фіксуецца ў сярэднім 9-10 небяспечных кліматычных з`яў, прычым 80 працэнтаў з іх прыпадаюць на летні час. Аднак, паводле даных Сусветнай метэаралагічнай арганізацыі і незалежных экспертаў, колькасць небяспечных з`яў ва ўсім свеце істотна павялічылася за апошнія гады і прадаўжае расці.

Тэндэнцыя да росту колькасці небяспечных з`яў, якая праглядаецца ў тым ліку на тэрыторыі Беларусі, звязана са змяненнем клімату, прычынай якому, на думку многіх вучоных, з`яўляецца глабальнае пацяпленне. "Раней на тэрыторыі рэспублікі спецыялісты вылучалі тры агракліматычныя зоны. Цяпер жа лічыцца, што паўночная зона разбурылася, а ў раёне Палесся пачала ўтварацца новая зона, якая характарызуецца больш кароткай працягласцю зім і больш доўгім перыядам вегетацыі", - дадаў Дзмітрый Рабаў.

"Можна сказаць, што на тэрыторыю рэспублікі ідзе клімат з поўдня і поўначы Украіны", - растлумачыў сіноптык. Ён дадаў, што зімы ў Беларусі сталі мякчэйшымі і менш снежнымі, скарачаецца вясенні сезон, а лета, наадварот, надыходзіць усё раней.

20 жніўня 2014, Мінск
БЕЛТА