На пасяджэнні разгледзяць меры па зніжэнні напружанасці ў таджыкска-афганскім прыграніччы. Увогуле разгледзяць каля дзясятка пунктаў, якія датычацца практычна ўсіх сфер дзейнасці арганізацыі. 

Як чакаецца, на пасяджэнні будзе вырашацца пытанне аб назначэнні генеральнага сакратара АДКБ. 

На пасаду прапануецца прадстаўнік Беларусі – дзяржсакратар Савета Бяспекі Станіслаў Зась. Яго кандыдатуру ўжо падтрымалі Кыргызстан, Казахстан, Таджыкістан і Расія.

Аднак захоўваюцца складанасці ва ўзаемадзеянні з Арменіяй, якая датэрмінова адклікала свайго прадстаўніка з гэтай пасады, але зноў настойвала на назначэнні сваёй кандыдатуры.

Тэлеканал АНТ, 22 мая 2019