https://www.kurs.kz/ - Курсы валют в обменных пунктах г. Алматы и других городах Казахстана
 


 




Найти
 
 


Міжнародная арганізацыя працы (МАП) чакае, што колькасць беспрацоўных у свеце ў 2022 годзе складзе 207 млн, што на 21 млн больш, чым у дакрызісным 2019 годзе


Аб гэтым гаворыцца ў дакладзе МАП, апублікаваным у панядзелак у Жэневе.
"Глабальнае беспрацоўе, як чакаецца, захаваецца на ўзроўні, які перавышае паказчыкі да COVID-19, сама меней да 2023 года, - канстатавалі аўтары даклада. - У 2022 годзе яго ўзровень складзе, паводле ацэнак, 207 млн, тады як у 2019 годзе было 186 млн".

Падкрэсліваецца, што МАП перагледзела ў бок зніжэння прагноз аднаўлення рынку працы ў 2022 годзе. Гэта ў пэўнай ступені адлюстроўвае наступствы ўздзеяння нядаўніх штамаў каранавіруса, такіх як дэльта і амікрон, а таксама істотную нявызначанасць адносна будучай эвалюцыі пандэміі. "Грунтуючыся на апошніх па часе прагнозах эканамічнага росту, МАП чакае, што сумарная колькасць гадзін, якія будуць адпрацаваны ў 2022 годзе, застанецца амаль на 2 працэнты ніжэйшая за ўзровень да пандэміі", - гаворыцца ў дакладзе. У чэрвені мінулага года МАП прагназавала, што гэты паказчык зменшыцца ў 2022 годзе да менш як 1 працэнта.

Паводле слоў экспертаў, выкліканы пандэміяй крызіс неаднолькава паўплываў на розныя групы работнікаў і краіны, што паглыбляе няроўнасць унутры краін і паміж імі і аслабляе эканамічную, фінансавую і сацыяльную аснову практычна ўсіх дзяржаў. Краіны з высокімі даходамі на душу насельніцтва дэманструюць больш высокую дынаміку аднаўлення рынку працы, тады як у дзяржавах з даходамі ніжэйшымі за сярэдні ўзровень сітуацыя горшая. Эксперты бачаць найбольш абнадзейлівыя прыкметы аднаўлення ў Еўропе і Паўночнай Амерыцы. У той жа час яны выказваюць менш аптымістычныя прагнозы наконт становішча з занятасцю ў Паўднёва-Усходняй Азіі, Лацінскай Амерыцы і краінах Карыбскага басейна. У цэлым для ўсіх рэгіёнаў планеты перспектыва поўнага аднаўлення рынку працы ў 2023 годзе да ўзроўню, які меў месца да пандэміі, расцэньваецца ў дакладзе як "ілюзорная".

Крызіс мацней за ўсё паўплываў на занятасць жанчын, чым мужчын, і яго наступствы будуць адчувацца на працягу бліжэйшых гадоў, адзначае МАП. У сваю чаргу закрыццё ўстаноў адукацыі і прафесійнай падрыхтоўкі будзе мець нарастаючыя доўгатэрміновыя наступствы для моладзі.

"Пасля двух гадоў крызісу прагноз застаецца нестабільным, а шлях да аднаўлення - марудным", - заявіў генеральны дырэктар МАП Гай Райдэр. Паводле яго слоў, не можа быць рэальнага аднаўлення сусветнай эканомікі без паляпшэння сітуацыі на рынку працы.

17 студзеня 2022, Мінск
БЕЛТА
 
Дата публикации:17.01.2022
Тематика:Новости, Разное
Просмотров:130
 
Ключевые слова:
Пандемия Безработица Рынок труда
 
 


Комментарии



 



Другие новости по этой теме