Насельніцтва Зямлі планеты за мінулы год павялічылася на 81,6 млн чалавек, склаўшы ў канцы мінулага года 8,156 млрд, гаворыцца ў справаздачы Нямецкага фонду сусветнага насельніцтва (Deutsche Stiftung Weltbevölkerung).
"Натуральны прырост цяпер складае 0,9%", - адзначаецца ў дакуменце.
Паводле ацэнак ААН, насельніцтва Зямлі праз 12 гадоў можа перавысіць адзнаку 9 млрд чалавек. Пры гэтым асноўны рост прыпадае на Афрыку: колькасць людзей, якія жывуць на кантыненце, у бліжэйшыя два дзесяцігоддзі павялічыцца больш чым у два разы.
У DSW адзначаюць, што хаця абсалютная колькасць людзей працягвае павялічвацца, тэмпы прыросту пастаянна падаюць. Зніжэнне ўзроўню нараджальнасці за апошнія дзесяцігоддзі ўжо закранула амаль усе рэгіёны планеты.
Чакаецца, да сярэдзіны 2080-х насельніцтва Зямлі дасягне свайго колькаснага піку – 10 млрд. Пасля гэтага, паводле прагнозаў, скарачэнне нараджальнасці і павелічэнне смяротнасці прывядзе да старэння насельніцтва свету і памяншэння колькасці людзей на планеце.
Згодна з афіцыйнымі данымі Нацыянальнага статыстычнага камітэта Беларусі, за апошнія 10 гадоў колькасць насельніцтва рэспублікі знізілася: калі па стане на 1 студзеня 2014 года яна складала 9,443 млн чалавек, то на гэтую ж дату 2025-га – 9,155 млн.
