Прызначаны для прагназіравання заканамернасцяў цывілізацыі суперкамп`ютэр World One назваў час вымірання чалавецтва, паведамляе брытанскае выданне The Daily Star.
Разлікі машыны прадракаюць канчатковы крах цывілізацыі ў 2050 годзе.
Прычынай канца свету называецца дзейнасць людзей, у тым ліку, забруджванне навакольнага асяроддзя і звязаныя з гэтым наступствы.
"Прыкладна з 2040 па 2050 год, цывілізаванае жыццё, якім мы яго ведаем на гэтай планеце, перастане існаваць", – гаворыцца ў прагнозе.
Адзначаецца, што сітуацыя не стане лепшай нават пасля пераходу на "экалагічна чыстыя" аўтамабілі і строгі кантроль нараджальнасці.
У выданні нагадалі прагноз World One на 2020 год – тады камп`ютэр прагназаваў "вельмі крытычны" стан Зямлі.
Змяненні клімату
Праблемы клімату пачалі шырока абмяркоўвацца ў апошнія гады.
Як заявіў у лістападзе генеральны сакратар ААН Антоніу Гутэрыш, змены адбываюцца з катастрафічнай хуткасцю. Паводле яго слоў, апошнія восем гадоў былі самымі цёплымі за ўсю гісторыю назіранняў.
"Кожная хваля спякоты аказвалася ўсё больш магутнай і небяспечнай для жыцця, асабліва для неабароненых груп насельніцтва", - падкрэсліў ён.
Таксама Гутэрыш нагадаў, што ўздым узроўню мора ідзе з хуткасцю ў два разы вышэй, чым па назіраннях у 1990-х гадах, што ўяўляе пагрозу для існавання дзяржаў, размешчаных нізка над узроўнем мора, і мільярдаў жыхароў прыбярэжных рэгіёнаў.
Праблему ўяўляе і тое, з якой хуткасцю растаюць леднікі – гэта можа стаць прычынай праблем з водазабеспячэннем для цэлых кантынентаў.
