Саюз моладзі працягвае кампанію па павышэнню электаральнай актыўнасці насельніцтва: 8-9 лістапада ў краіне адбудуцца больш за сто моладзевых пікетаў, скіраваных на стымуляванне цікавасці выбаршчыкаў да выбараў дэпутатаў у Палату прадстаўнікоў Нацыянальнага сходу сёмага склікання.

У сталіцы маладзёжныя пікеты правядуць 8 лістапада. На іх будуць арганізаваны фотазоны “Выбары 2019”, дзе можна зрабіць фота з хештэгам #яприду. Акрамя таго, моладзь БРСМ прапануе жыхарам Мінска стварыць партрэт ідэальнага дэпутата, дапаможа даведацца, дзе знаходзіцца выбарчы ўчастак з дапамогай мабільнага прыкладання “Галасую”, прайсці квэставыя заданні ў аднайменнай гульні.

Сяргей Расолька
Звязда, 6 лістапада 2019